Ódýrasta flugið til Íslands með PLAY frá 7.607 kr. *

Ódýrt flug til Íslands

Öruggasta land í heimi

Er Ísland besta land í heimi? Okkur finnst það en Ísland er líka öruggasta land í heimi og hefur vermt þetta sæti í rúman áratug. Fyrir utan öryggið, náttúrufegurðina og heimsins bestu pylsur er mögulega stærsti kostur Íslands allur jarðhitinn. Íslendingar búsettir erlendis hafa oft orð á því að sakna hitans sem hljómar kannski einkennilega. Íslendingar kunna nefnilega að kynda húsakynni og vatn og fæstir neita sér um heitar sturtur eða bað á köldum vetrardögum. Þá eru ótaldar allar sundlaugarnar og baðlónin sem finna má í nánast hverju einasta þorpi allan hringinn í kringum landið og bæta líf og kæta landann allan ársins hring. 

Fjallgöngur og norðurljós

Það jafnast fátt á við langa fjallgöngu í grænu lyngi með gott nesti á hlýjum sumarkvöldum. Nema þá kannski að standa dúðaður í vetrarstillu með kakó á brúsa og góna upp á norðurljósin dansa í myrkrinu. Kyrrðin, öryggið og algjör fjarvera moskítófluga, snáka og annarra óværa sameinast í gullfallegum stundum á öllum árstíðum. Öfgarnar á Íslandi eru nefnilega fyrsta og fremst notalegar. Leyfðu þér að skreppa aðeins heim og njóta þess besta sem Ísland hefur upp á að bjóða.